بەڕێوەبەرایەتیی هاتوچۆی هەولێر ئاگاداری شۆفێرانی بارهەڵگر دەکاتەوە رۆژانی هەینی رێگانادرێت لە رێگای هەولێر بەرەو شەقڵاوە و ناوچە گەشتیاری و سەیرانگاکان هاتووچۆ بکەن.
بەڕێوەبەرایەتیی هاتوچۆی هەولێر بڵاویکردەوە، ئاگاداری شوفێرانی بارهەڵگر دەکەینەوە کە رۆژانی هەینی لەکاتژمێر 8:00ی بەیانی تا کاتژمێر 8:00ی بەیانی رۆژی شەممە هاتوچۆی ئۆتۆمبێلی بارهەڵگر له رێگای هەولێر بەرەو شەقڵاوە بە ئاڕاستەی تونێلی پیرمام و شوێنە گەشتیاری و سەیرانگاکان قەدەغەدەکرێت و نابێت بارهەڵگرەکان بەم رێگایانەدا هاتووچۆبکەن.
ئاشکراشیکرد، ئەم بڕیارە بەردەوامیی دەبێت تا ئەو کاتەی رێگای گونجاو بۆ هاتووچۆی بارهەڵگرەکان دابیندەکرێت.
