وەزیری تەندروستیی هەرێم دڵنیایی دا لەبارەی ڤایرۆسی ئەنفلۆنزای باڵندە و جەختیکردەوە هیچ حاڵەتێکی گواستراوەی ڤایرۆسەکە لە باڵندەوە بۆ مرۆڤ تۆمارنەکراوە.
سامان بەرزنجی وەزیری تەندروستیی هەرێم رایگەیاند، تا ئێستا هیچ حاڵەتێکی گواستراوەی ڤایرۆسی ئەنفلۆنزای باڵندە لە باڵندەوە بۆ مرۆڤ لە هەرێم تۆمارنەکراوە، بەڵام بەردەوام چاودێری دۆخەکە دەکەین بۆ ئەوەی هەر حاڵەتێک هەبوو بە گرنگییەوە سەیری دەکەین.
ئاماژەی بەوەشکرد، دۆخی دوورگەی نەورەسەکان تەواو لەژێر کۆنتڕۆڵكردندایە، لەگەڵ ئەوەشدا هەر حاڵەتێکی گوماناوی لەو شوێنە هەبێت پێویستە لە زووترین کاتدا دامەزراوە تەندروستییەکان ئاگاداربکەنەوە.
