بەرەبەیانی ئەمڕۆ میدیاکانی کۆماری ئیسلامی ئێران هەواڵی گیانلەدەستدانی ئیبراهیم رەئیسی سەرۆک کۆماری وڵاتەکەیان و تیمی یاوەریان بڵاوکردەوە.
ئەندامانی تیمەکەی رەئیسی کە یاوەریی ناوبراویان دەکرد لە گەشتەکەی بۆ تەبرێز پێکهاتبوون لە حسێن ئەمیر عەبدوللهیان وەزیری دەرەوە و ئایەتوڵا هاشمی، ئیمامی مزگەوتی گەورەی تەبرێز و مالك رەحمەتی پارێزگاری تەبرێز و سەرۆکی پاسەوانەکان و پاسەوانێکی سەرۆک کۆمار و فڕۆکەوانەکە و دوو یاریدەدەریی تێدابووە.
ئیبراهیم رەئیسی و وەفدی یاوەری لە کاتی رووداوەکەدا لە گەشتێک دەگەڕانەوە لە تەبرێز کە بەمەبەستی کردنەوەی بەنداوێک چووبوون.
لەو گەشتەدا دوو هێلیکۆپتەری دیکە یاوەری رەئیسیان دەکرد کە ژمارەیەک بەرپرسی باڵای وڵاتەکەیان هەڵگرتبوو، ئەوان بەبێ کێشە گەیشتنەوە شوێنی خۆیان.
