سەرۆك وەزیرانی عێراق هاوخەمی بۆ گیانلەدەستدانی سەرۆك كۆمار و تیمی یاوەری لە رووداوی كەوتنەخوارەوە هەلیكۆپتەرەكەیان رادەگەیەنێت.
محەمەد شیاع سودانی، سەرۆك وەزیرانی عێراق لە پەیامێكدا دڵتەنگی بە هەواڵی گیانلەدەستدانی ئیبراهیم رەئیسی، سەرۆك كۆماری ئێران و حسێن ئەمیر عەبدوللهیان، وەزیری دەرەوەی تیمی یاوەریان لە ئاكامی رووداوی تێكشكانی هەلیكۆپتەرەكەیان لە باكووری ئێران رادەگەیەنێت.
سودانی پرسە و هاوخەمی ئاراستەی بەرپرسان، حكومەت و گەلی ئێران دەكات.
رووداوەكە پاش نیوەڕۆی دوێنێ روویدا و بەیانیی ئەمڕۆ ئێران بە رەسمی گیانلەدەستدانی سەرۆك كۆمار و وەزیری دەرەوەی وڵاتەكە و حەوت كەسی دیكەی لە بەرپرسان و تیمی هەلیكۆپتەرەكە راگەیاند.
