بریكاری پێشووتری وەزارەتی دارایی عێراق رایدەگەیەنێت، بۆ ناردنی مووچە بەغداد داوای دەستپێكردنی بە بانكیكردنی مووچەی مووچەخۆرانی هەرێم و رادەستكردنی تەواوی داهاتی نانەوتیی هەرێم دەكات و ئەگەر ئەو دوو داواكارییە جێبەجێنەكرێت گرفت بۆ مووچەی مانگی پێنج دروستدەبێت.
د. فازڵ نەبی بریكاری پێشووتری وەزارەتی دارایی عێراق لە دیدارێكی تەلەفزیۆنیدا رایگەیاند، ئەو كێشانەی كە لە نێوان هەرێم و بەغداد لەسەر داهاتی ناوخۆ هەن یەكلانەكراونەتەوە و بەغداد داوای تەواوی داهاتی ناوخۆ دەكات و هەرێمی كوردستانیش مافی خۆیەتی بەشە بودجەی خۆی بۆ رەوانەبکرێت.
بە بڕوای فازڵ نەبی ئەگەر ئەو دوو داواكارییەی بەغداد جێبەجێنەكرێت كە بریتییە لە بابەتی داهاتی ناوخۆ و بە بانكیكردنی مووچە گرفت بۆ مووچەی مانگی پێنج دروستدەكات.
