لیژنە هاوبەشەکانی قائیمقامیەتی سلێمانی دوایین ئاگادارکردنەوەیان دایە سەرجەم ئەو دوکاندارانەی ناوبازاڕ کە پەردە بەکاردەهێنن بۆ داپۆشینی دووکانەکانیان.
قائیمقامیەتی سلێمانی بڵاویکردەوە، شەوی رابردوو لیژنە هاوبەشەکانی قائیمقامیەتی سلێمانی و تیمەکانی بەشی لابردنی زیادەڕەویی شارەوانی، هۆبەی ناو بازاڕ بە هاوکاری بەشی پۆلیسی رێکاری لەهەڵمەتێکدا هەستان بەدوایین ئاگادارکردنەوەی سەرجەم ئەو دووکاندارانەی ناوبازاڕ کە پەردە بەکاردەهێنن بۆ داپۆشینی دووکانەکانیان یان شمەک و کەرەستە و پۆشاک لە دەرەوەی دووکانەکان جێدەهێڵن.
ئاشکراشیکرد، پێویستە دووکاندارەکان هەستن بە لابردنی ئەو پەردانە، چونکە هۆکاری سەرەکییە بۆ کەوتنەوەی ئاگر.
هەر لە هەڵمەتەکەدا پسوڵەی سزادان بۆ ئەو دووکان و بازاڕانە کرا کە سەرپێچی رێنماییەکانیان کردووە و پابەندنەبوون.
