ئەنجومەنی نوێنەرانی عێراق رۆژی شەممە كۆدەبێتەوە و یەكێك لە كارنامەی كۆبوونەوەكە هەڵبژاردنی سەرۆكی ئەنجومەنی نوێنەران و هاوکات گفتوگۆ لەسەر هەمواری دووەمی یاسای كۆمسیۆنی باڵای سەربەخۆی هەڵبژاردنەكانی عێراق دەکرێت.
بە گوێرەی خشتەی كاری كۆبوونەوەكە رۆژی شەممە 18ی ئەم مانگە كاتژمێر 1ی پاشنیوەڕۆ ئەنجومەنی نوێنەرانی عێراق كۆدەبێتەوە و یەكێك لە بڕگەكانی خشتەی كاری كۆبوونەوەكەش گفتوگۆكردن و خوێندنەوەی دووەمە بۆ هەمواری دووەمی یاسای كۆمسیۆنی باڵای سەربەخۆی هەڵبژاردنەكان.
هەر لە كارنامەی كۆبوونەوەكەدا هاتووە، گفتوگۆ و خوێندنەوەی دووەم لەسەر پڕۆژەیاسای پشووە رەسمییەكان دەكرێت.
یەكێكی دیكە لە كارنامەی كۆبوونەوەكەی رۆژی شەممە، هەڵبژاردنی سەرۆكی نوێی ئەنجومەنی نوێنەرانی عێراقە.
