بەهۆی هاتنی شەپۆلێکی چڕی خۆڵبارینەوە بۆ عێراق، لە هەردوو پارێزگای زیقار و نەجەف باری نائاسایی راگەیەندرا.
ئەمڕۆ دووشەممە، میدیا عێراقییەکان بڵاویانکردەوە، بەهۆی هاتنی شەپۆلێکی چڕی خۆڵبارینەوە بۆ عێراق هەردوو پارێزگای زیقار و نەجەف باری نائاساییان راگەیاند و سەرجەم تیمە تەندروستییەکانی دوو پارێزگاکە خرانە ئامادەباشییەوە.
ئاماژەیان بەوەشداوە، بەهۆی چڕی شەپۆلە خۆڵبارینەکەوە مەترسیی لەسەر تەندروستیی هاوڵاتییانی ئەو دوو پارێزگایە دروستبووە و سەدان هاوڵاتیی بارودۆخی تەندروستییان تێکچووە و رەوانەی نەخۆشخانەکان کراون.
ئەوەشیان خستەڕوو، هەریەکە لە مورتەزا ئیبراهیمی پارێزگاری زیقار، و یوسف گناوی پارێزگاری نەجەف، باری نا ئاساییان راگەیاندووە و سەرجەم نەخۆشخانە و ناوەندە تەندروستییەکانیان خستووەتە حاڵەتی ئامادەباشییەوە.
