بەڕێوەبەرایەتیی گشتیی شارەوانییەکانی گەرمیان رایگەیاند، رێکارەکانی دابەشکردنی زەوی دەستیپێکرد.
لە راگەیەندراوێکدا بەڕێوەبەرایەتیی گشتیی شارەوانییەکانی گەرمیان ئاماژەی بەوەکرد، ”هەنگاوە کردارییەکان بۆ دابـەشکردنی زەوی دەستیپێکرد و بە مەبەستی دەستنیشانکردنی زەوی نیشتەجێبوون بەسەر فەرمانبەراندا، بەڕێوەبەرایەتییەکەمان و لایەنە پەیوەندیدارەکان کۆبوونەوە”.
دەشڵێت، ”بەپێی بڕیاری ئەنجومەنی وەزیرانی هەرێم ژمارە 242 لە 27ی ئازاری 2024 زەوی بەسەر فەرمانبەرانی شایستە کە سوودمەند نەبوون دابەشدەکرێت”.
