کەشناسیی هەرێم پێشبینییەکانی کەشوهەوای ئەمڕۆ و سبەی بڵاوکردەوە و ئاماژەی بەوەکرد، ئەمڕۆ و سبەی ئەگەری بارانبارینی کەم هەیە و سبەی پلەی گەرمی بە 1 بۆ3 پلە بەراورد بە ئەمڕۆ دابەزینین بەخۆیەوە دەبینێت.
لە راگەیەندراوەکەی کەشناسیی هەرێمدا ئاماژە بەوەکراوە، ئەمڕۆ ئاسمان بەردەوام هەور دەبێت، لەگەڵ زیادبوونى خێرای با و ئەگەرى کەمێک تۆز لە کەشى ناوچەکەمان، ئەگەرى پروشکە باران هەیە لە سەنتەرى پارێزگاکان و ناوچەى جیا جیا و لە سنوورى ناوچە شاخاوییە بەرزەکان ئەگەرى بارانبارینى زیاتر دەبێت.
بە گوێرەی پێشبینییەکانی کەشناسی هەرێم، ئەمڕۆ خێرایی با چالاک دەبێت و لەنێوان 20 بۆ 30 کیلۆمەتردا دەبێت لە هەر کاتژمێرێکدا.
لەبارەی کەشوهەوای سبەی دوو شەممەوە ئاماژە بەوەکراوە، ئاسمان نیمچەهەور دەبێت و هەندێک کات دەگۆڕێت بۆ هەورى تەواو، ئەگەرى بارانبارینى کەم هەیە لەسەر بەشێک لە سنوورى پارێزگاى سلێمانى و ناوچە شاخاوییە سنووریەکانى پارێزگاى دهۆک و پلەی گەرمی نزمدەبێتەوە بە نزیکەى (1-3 ) پلە بەراوورد بە تۆمارکراوەکانی ئەمرۆ.
