توێژینەوەیەکی نوێ سەلماندوویەتی زینک ماوەی تووشبوون بە ئەنفلۆنزا بۆ دوو رۆژ کەمدەکاتەوە.
توێژەران توێژینەوەکەیان بە بەشداریی 900 خۆبەخش ئەنجامداوە و گەیشتووە بەو ئەنجامەی دەکرێت زینک ماوە و نیشانەکانی سەرمابوون و ئەنفلۆنزا کەمبکاتەوە.
توێژەران دەڵێن، زینک ماوەی ئەنفلۆنزا بۆ دوو رۆژ کەمدەکاتەوە.
لەگەڵ ئەمەشدا هۆشداریی لە زیادەڕەویکردن لە بەکارهێنانی زینک دەدرێت بە شێوەی تەواوکاریی خۆراکی و دەبێتە هۆی رشانەوە و کێشە لە گەدەدا.
زینک بە شێوەی سروشتی لە نۆک و گازۆ و خواردنە دەریاییەکاندا هەیە.
سۆزان ویلاند توێژەر دەڵێت، ئێمە پێویستیمان بە بەدواداچوونی زیاترە لەبارەی کاریگەرییەکانی زینکەوە تا باوەڕ بە کاریگەرییەکانی بهێنین.
