وەزیری شارەوانی و گەشتوگوزاری هەرێم لەبارەی دابەشکردنی زەوی بەسەر فەرمانبەراندا رایگەیاند، رۆژی پێنجشەممە لەو بارەیەوە کۆبوونەوە ئەنجامدەدرێت و ئەنجامەکەی رادەگەیەنین.
ساسان عەونی، وەزیری شارەوانی و گەشتوگوزاری هەرێم لە لێدوانێکی رۆژنامەوانیدا ئەوەی خستەڕوو، ”بەردەوام کار لەسەر پڕۆژەی دابەشکردنی زەوی بەسەر فەرمانبەراندا دەکرێت لەلایەن وەزارەتەکەمانەوە و رۆژی پێنجشەممە کۆبوونەوەی سەرجەم سەرۆکایەتیی شارەوانی و بەڕێوەبەرایەتییەکان لەو بارەیەوە بەڕێوەدەچێت”.
ئاماژەی بەوەشکرد، ”لە کۆبوونەوەکەدا، ئەو فەرمانگانە ئەوەی لەبارەی دابەشکردنی زەوییەوە لێیان داواکرابوو، لە دۆزینەوەی زەوی لە سنووری ماستەرپلانەکانیان دەیخەنەڕوو و رۆژی پێنجشەممە ئەنجامی کۆبوونەوەکە رادەگەیەنین”.
