نێچیرڤان بارزانی، سەرۆکی هەرێمی کوردستان رایگەیاند، ئەوەی لە دەسەڵاتی ئێمەدایە وەک سەرۆکایەتی هەرێم دیاریکردنی رۆژێک بووە بۆ هەڵبژاردنی پەرلەمانی هەرێمی کوردستان و کردوومانە و وتیشی، “تا ئێستا گۆڕانکاری لە رۆژی ئەنجامدانی هەڵبژاردنی پەرلەمانی هەرێمی کوردستان نەکراوە”.
سەرۆکی هەرێمی کوردستان ئاماژەی بەوەشکرد، لە هیچ شوێنێک پرسی هەڵبژاردنی پەرلەمانی کوردستانیان تاوتوێ نەکردووە، لە دەرەوەی هەرێمی کوردستان.
نێچیرڤان بارزانی ئەو قسانەی رەتکردەوە کە باس لە گۆڕینی رۆژی هەڵبژاردنی پەرلەمانی هەرێمی کوردستان دەکەن.
روونیشیکردەوە، دەیانەوێت هەڵبژاردنێک بکرێت کە هەموو لایەنەکان تێیدا بەشداربن و نەبێتە هۆی لێکترازانی لایەنە سیاسییەکان.
