بەشی پێشبینیی كەشوهەوا لە وەزارەتی گواستنەوە و گەیاندنی هەرێمی كوردستان، دۆخی پێشبینیكراوی كەشوهەوای 48 كاتژمێری داهاتووی بڵاوكردەوە.
بەپێی راگەیەندراوی بەشی پێشبینیی كەشوهەوا لە وەزارەتی گواستنەوە، دوای سێ رۆژ لەو شەپۆلی بارانبارینەی زۆرینەی ناوچەكانی هەرێمی كوردستانی گرتەوە، ئەمڕۆ سێشەممە کەش ساماڵ دەبێت لەگەڵ دروستبوونی هەندێك پەڵەهەوری جیاجیا و پلەکانی گەرما بە (1-2) پلەی سیلیزی بە بەراورد بە تۆمارکراوی دوێنێ بەرزدەبنەوە.
لەبارەی كەشی پێشبینیكراوی سبەینێوە، راگەیەندراوەكە دەڵێت، “سبەی چوارشەممە کەش ساماڵ دەبێت لەگەڵ دروستبوونی هەندێك پەڵەهەوری جیاجیا و پلەکانی گەرما (1-2) پلەی سیلیزی بە بەراورد بە تۆمارکراوی رۆژی پێشوو بەرزدەبنەوە”.
ئاشكراشیكردووە كە بەرزترین پلەکانی گەرمای پێشبینیکراو بە پلەی سیلیزی بریتین لە:-
هەولێر: 26
سلێمانی: 24
دهۆک: 26
کەرکوک: 27
هەڵەبجە: 25
زاخۆ: 26
سۆران: 24
گەرمیان: 29
