جوتیار عادل سەرۆكی فەرمانگەی میدیا و زانیاریی حكومەتی هەرێم لە دیدارێكی تەلەفزیۆنیدا رایگەیاند، “ئەگەر رێككەوتنی هەرێم و بەغداد جێبەجێبكرێت جارێكی دیكە قەیرانی بێ مووچەیی لە هەرێمی كوردستان سەرهەڵنادات و لە پێدانی مووچە دەستەوەستان نابین”.
راشیگەیاند، حكومەتی هەرێم سەرجەم داهاتی نەوتی و نانەوتی بۆ بەغداد ئاشكراكردووە و سبەی بە داتا بڵاویدەكەینەوە كە چەند نەوتمان رادەستی بەغداد كردووە.
جوتیار عادل وتیشی، هیواخوازین حكومەتی عێراق رێككەوتنەكان جێبەجێبكات و مووچە و بودجەی فەرمانبەرانی هەرێمی كوردستان لەكاتی خۆیدا رەوانە بكات و ئێمەش وەكو حكومەتی هەرێم لە پێدانی مووچە دەستەوەستان نابین.
