سەرچاوەیەكی تایبەت بە تۆڕی میدیایی ئێستای راگەیاند، بەرهەمهێنانی غاز لە كێڵگەی غازی كۆرمۆر دەستپێدەكاتەوە و چەند رێوشوێنێكی توند بۆ پارێزگاریكردن لە كارمەندان و كێڵگەكە گیراوەتەبەر.
ئەو سەرچاوەیە ئاماژەی بۆ ئەوەش كردووە، چاوەڕواندەكرێت ئەمشەو بڕیار لە دەستپێكردنەوەی بەرهەمهێنانی غازی لە كێڵگەی كۆرمۆر بدرێت و ئەو بابەتە لەلایەن وەزارەتی سامانە سروشتییەكانی هەرێمی كوردستانەوە یەكلادەكرێتەوە.
لە چەند رۆژی رابردوودا هێرشكرایە سەر كێڵگەی غازی كۆرمۆر و بەهۆیەوە چەند كەسێك گیانیان لەدەستدا و بەرهەمهێنانی غاز لە كێڵگەكەش راگیرا.
