لە رووداوێکی هاتوچۆدا لەسەر رێگای کەلار – دەروازەی پەروێزخان، سێ کەس گیانیان لەدەستداو کەسێکیش برینداربوو.
بەڕێوەبەرایەتیی هاتوچۆی گەرمیان بڵاویکردەوە، بەهۆی پێکدادانی دوو ئۆتۆمبێل لەسەر رێگای کەلار – دەروازەی پەروێزخان سێ کەس گیانیان لەدەستداو کەسێکیش برینداربوو.
لە راگەیەندراوەکەدا هاتووە، ئۆتۆمبێلەکان لە جۆری نیسان ئاڵتیما و مان بارهەڵگر بوون، ئەو کەسانەی گیانیان لەدەستداوە سەرنشینی ئاڵتیماکەن، بریندارەکە گەیەنراوەتە نەخۆشخانە و لێکۆڵینەوە لەلایەن تیمی هاتوچۆوە دەستیپێکردووە.
