دەستەی کەشناسیی عێراق وردەکارییەکانی بارودۆخی کەشوهەوای چەند رۆژی داهاتووی بڵاوکردەوە و رایگەیاند، پێشبینی باران و بای بەهێز و دروستبوونی تەپوتۆز دەکەین.
لە راگەیەندراوێکدا دەستەی کەشناسیی عێراق ئاماژەی بەوە کردووە، ”کەشوهەوای سبەینێ هەور دەبێت لەگەڵ بارینی بارانێکی چڕی مامناوەند و هەورەبروسکە لە چەند شوێنێکی جیاوازدا، هاوکات پلەکانی گەرما چەند پلەیەک دادەبەزن و بای مامناوەندی باشووری رۆژهەڵات دەبێتە هۆی دروستبوونی تەپوتۆزێکی چڕ”.
ئاماژەی بەوەشکرد، “رۆژی چوارشەممە کەشوهەوا هەور دەبێت لەگەڵ بارینی بارانێکی مامناوەند و لە هەندێک شوێنیشدا بەخوڕ دەبێت، هاوکات هەورەبروسکە روودەدات و پلەکانی گەرما بە بەراورد بە رۆژی پێشتر چەند پلەیەک دادەبەزن”.
سەبارت بە کەشوهەوای پێنجشەممە دەڵێت، ”کەشوهەوا هەور دەبێت لەگەڵ بارانبارین و با بە چڕییەکی مامناوەند، هەروەها بای مامناوەند و چالاک لە باشووری رۆژهەڵات کە دەبێتە هۆی بەرزبوونەوەی تەپوتۆز لە ناوچەکەدا”.
