بەرێوەبەرایەتیی باری شارستانی و پاسپۆرتی عێراق مامەڵەکردنی بە پارەی کاش راگرت و دەڵێت، “ئەم بڕیارە لە رۆژی چوارشەممەوە جێبەجێدەکرێت.”
بەڕێوەبەرایەتیی باری شارستانیی و پاسپۆڕت و نشینگەی سەر بە وەزارەتی ناوخۆی عێراق بڵاویکردەوە، دەست بە پارەدان بە شێوەی ئەلیکترۆنی دەکرێت و پارەدانی کاش بە هەموو جۆرێک کۆتایی هات.
ئاماژە بەوەشکراوە، بڕیارەکە لە وەزیری ناوخۆوە دەرچووە و ئەوانیش جێبەجێیان کردووە و بەهەموو شێوەیەکیش بۆ پارەدان لەناو فەرمانگەکان چی تر پارەی کاش کاری پێ ناکرێت و تەنها لە رێگەی سیستمی posەوە دەبێت.
هاوکات، بڕیارەکە لە رۆژی یەکی ئایارەوە دەچێتە بواری جێبەجێکردنەوە و بەشەکانی بەڕێوەبەرایەتییەکە بەتەواوی ئامادەکراون و هیچ کێشەیەک نەماوە لەبەردەم پڕۆسەکەدا.
جەختیش کراوەتەوە، ئەم هەنگاوە بۆ گەشەپێدان و ئاسانکاریکردنی رێکارەکانە بۆ هاوڵاتییان.
