بەڕێوەبەرایەتیی گشتیی ئاسایش بڵاویکردەوە، لە شاری هەولێر دەستبەسەر بڕێكی زۆر گۆشتی بەستووی ئوسترالی و هندیدا گیراوە کە بە نایاسایی هاوردەی هەرێم کراوە.
لە راگەیەندراوێکی بەڕێوەبەرایەتیی گشتیی ئاسایشی هەولێردا هاتووە، دەستمان گرت بەسەر بڕێکی زۆر لە گۆشتی ئوستوڕالی و هندی کە بەشێوەی نایاسایی هاوردەی هەرێمی کوردستان کراوە و لەناو هەندێک کۆگا و ماڵان حەشاردرابوون، بۆ مەبەستی ساغکردنەوەی گۆشتەکان بەسەر رێستۆرانت و گۆشتفرۆشەکانی پارێزگای هەولێر.
هەر لە راگەیەندراوەکەدا هاتووە، دوای بەدواداچوون و کۆکردنەوەی زانیاریی ورد و دوای وەرگرتنی فەرمانی دادوەری لێکۆلینەوەی ئاسایش تیمەکانمان توانیان سێ تۆمەتبار بە ناوەکانی (س.م.أ) و ( أ.س.م) و (م.م.ب)، دەستگیربکەن، لە ئێستادا پەڕاوی لێکۆلینەوەیان بۆ کراوەتەوە و رووبەڕووی یاسا کراونەتەوە.
