وەفدێکی وەزارەتی دارایی هەرێم گەیشتنە بەغداد و یەکەم کۆبوونەوەیان لەگەڵ وەفدی وەزارەتی دارایی حکومەتی فیدڕاڵ دەستیپێکرد.
میدیا عێراقییەکان بڵاویانکردەوە، ئەمڕۆ یەکشەممە وەفدی هەرێم بە سەرۆکایەتیی محەمەد عەبدولقادر بەڕێوەبەری ژمێریاریی وەزارەتی دارایی هەرێم گەیشتووەتە شاری بەغداد و لەگەڵ بەرپرسانی وەزارەتی دارایی حکومەتی فیدڕاڵ کۆبوونەتەوە.
ئاشکراشیانکرد، لە کۆبوونەوەکەدا پرسی داهاتە نانەوتییەکان و چۆنیەتی جێبەجێکردنی بڕیاری دادگای باڵای فیدڕاڵی سەبارەت بە گواستنەوەی داهاتەکان و شێوازی گواستنەوەکە گفتوگۆیان لەبارەوە کراوە.
