بەپێی پێشبینییەكانی كەشناسی ئەمڕۆ و سبەی ئاسمان لەنێوان پەڵەهەور و نیمچە هەوردا دەبێت، بەڵام لە كاتەكانی سبەی شەودا ئەگەری گۆڕانكاری و نمەباران هەیە.
بەڕێوەبەرایەتیی گشتیی كەشناسی و بومەلەرزەزانیی هەرێم رایگەیاند، ئەمڕۆ ئاسمان ساماڵ و پەڵەهەور دەبێت و، پلەی گەرمی لە هەندێ ناوچە کەمێک نزم دەبێتەوە بەراورد بە تۆمارکراوەکانی دوێنێ.
سبەینێش بەپێی پێشبینییەكان، ئاسمان ساماڵ و پەڵەهەور دەبێت، لە ئێوارەدا دەگۆڕێت بۆ نیمچەهەور، لە کاتەکانى شەو درەنگ ئەگەرى نمەباران هەیە لە هەندێك لە ناوچە شاخاوییە سنوورییەکان.
كەشناسیی هەرێم دەڵێت، سبەی پلەی گەرمی كەمێك بەرزدەبێتەوە بەراورد بە تۆمارکراوەکانی ئەمڕۆ.
هەروەها بەرزترین پلەکانی گەرمیی پێشبینیکراو بە پلەی سیلیزی بەمجۆرە دەبێت، (هەولێر 35 پلە، سلێمانی 34، دهۆک 35، زاخۆ 36، هەڵەبجە 35، کەرکوک 39، سۆران 33، حاجی ئۆمەران 22 و گەرمیان 40 پلە).
