وەزارەتی سەرچاوە ئاوییەكانی عێراق رایدەگەیەنێت، ئاستی ئاوی هەردوو رووباری دیجلە و فورات زیادیكردووە و پێشبینیدەكرێت هاوینی داهاتوو ئاستی ئاوی گلدراو بە بەراورد بە هاوینی رابردوو زۆر زیاتربێت.
عەون زیاب وەزیری سەرچاوە ئاوییەكانی عێراق رایگەیاند، بەهۆی ئەو شەپۆلی بارانبارینەی چەند رۆژی رابردوو ئاستی ئاوی هەردوو رووباری دیجلە و فورات بە شێوەیەكی بەرچاو بەرزبووەتەوە، بەشێوەك ئاستی ئاوەكە بۆ مەترونیوێك زیادیكردووە و هاوكات هەر بەهۆی بارانبارینەوە ئاستی ئاوی بەنداو و زۆنگاوەكانی عێراق زیادیانكردووە.
ئاماژەی بۆ ئەوەش كرد، ماوەی چوار ساڵە عێراق بەهۆی كەمیی رێژەی دووچاری وشكەساڵی بووەتەوە و زیانی زۆری بە شسێكتەرە جیاجاكان گەیاندووە و رێژەی ئاوی گلدراو لە 55 ملیار مەتر سێجاوە بۆ حەوت ملیار مەتر سێجا لە وەرزی هاوینی رابدوو كەمیكردووە.
