وەزارەتی تەندروستیی هەرێمی کوردستان ڕایگەیاند، لە ماوەی 24 كاتژمێردا 140 كەسی نوێ تووشی كۆرۆنا بوون، پێنج كەسیش بە هەمان هۆكار مردوون
وەزارەتی تەندروستیی هەرێمی كوردستان لە ڕاگەیەندراوێكدا لەبارەی ئاماری 24 كاتژمێری ڕابردووی پەتای كۆرۆنا ئەمڕۆ هەینی 8ی كانونی دووەم ڕایگەیاند، “لە هەرێمی كوردستان 140 كەسی نوێ تووشی كۆرۆنا بوون، زۆرترین ژمارەی توشبوونیش لە پارێزگای دهۆك بووە كە 103 كەس توشبوون”.
لەبارەی مردن بە كۆرۆنا تەندروستیی هەرێم ئاشكرایكردووە، “لەو ماوەیەدا پێنج توشبووی كۆرۆنا گیانیان لەدەستداوە كە یەكێكیان لە پارێزگای هەولێر و توشبوویەك لە سلێمانی و یەكێك لە گەرمیان و دوو توشبووی تریان لە دهۆك بوون.”
ژمارەی ئەو كەسانەشی لەو ماوەیەدا چاكبوونەتەوە بریتییە لە 972 كەس.
