وتەبێژی هاتوچۆی سلێمانی ڕایده‌گه‌یه‌نێت، له ساڵى نوێوه مۆڵەتی نێودەوڵەتی لە بەڕێوەبەرایەتییەكانی هاتوچۆی پارێزگاكان دەردێت بە شۆفێران.
عه‌قید بەختیار محه‌مه‌د، وتەبێژی هاتوچۆی پارێزگای سلێمانی ڕایگه‌یاندووه، بەپێی نووسراوی ژمارە (37)ی ساڵی (2021)ی وەزارەتی ناوخۆی حكومەتی هەرێمی كوردستان، لە بەرواری (3/1/2022)وەوە مۆڵەتی شۆفێریی نێودەوڵەتی لە بەڕێوەبەرایەتییەكانی هاتوچۆی پارێزگاكان دەدرێت بە هاوڵاتییان.
ڕوونیشیكردووه‌ته‌وه، پێشتر پێدانى ئه‌و مۆڵه‌ته تەنها لە دەسەڵاتی بەڕێوەبەرایەتیی گشتیی هاتوچۆی هەرێمدا بووە.
بۆیه، وته‌بێژه‌كه‌ى هاتوچۆی سلێمانى ئاگاداری ئه‌و هاوڵاتییانه دەكات، كە خوازیاری بەدەستهێنانی مۆڵەتی شۆفێریی نێودەوڵەتین، لە (3/1/2022)وەوە سەردانی بەڕێوەبەرایەتیی هاتوچۆی سلێمانی بكەن بۆ ئەو مەبەستە.
