پسپۆڕانی تەندروستی، هەمیشە بە گرنگییەوە باس لە خواردنی خۆراکە سروستییەکان دەکەن و مێخەک یەکێکە لەوانەی سوودی بەرچاوی هەیە بۆ تەندروستیی مرۆڤ.
بەگوێرەی پسپۆڕانی تەندروستی، خواردنی مێخەک کاریگەری لەسەر باشکردنی کێشەکانی هەرس و لەگەڵیشیدا، رێکخستنی کێشی جەستە هەیە، جگە لەوەی دژە بەکتریایە و هەوکردنەکانی جەستە کەمدەکاتەوە.
هاوکات، سەرچاوەیەکی گرنگی کانزاکانی مەنگەنیز و ڤیتامین K و ریشاڵەکانە.
شێوازی خواردنی ئەم خۆراکە بە چەند جۆرێکە، جۆرێکیان ئەوەیە بۆ ماوەی 24 کاتژمێر دادەندرێت لەناو ئاودا و پاشان دەخورێتەوە و رێگەیەکی دیکەش دانانیەتی لەناو ئاوی گەرمدا بۆ ماوەی پێنج بۆ 10 خولەک و دواتریش خواردنەوەیەتی بەشێوەی چا، بۆ هەندێک لە شەربەتەکانیش زیاددەکرێت لە کاتی ئامادەکردنیاندا، جگە لەوەی لەناو هەندێک ژەمەخۆراکیشدا دەتوانرێت بەکاربهێندرێت.
