شەعلان کەریم کاندید بۆ وەرگرتنی پۆستی سەرۆکی ئەنجومەنی نوێنەران لە کاندید بوون و لە حزبی تەقەدوم کشایەوە.
شەعلان کەریم سەرۆکی فراکسیۆنی تەقەدوم لە ئەنجومەنی نوێنەرانی عێراق لە بەیاننامەیەکدا رایگەیاند، “خۆم لە ئەندامبوون لە حزبی تەقەدوم هاوکات کاندیدبوون بۆ پۆستی سەرۆکی ئەنجومەنی نوێنەران کشاندەوە، لەمەودوا وەک ئەندامێکی سەربەخۆی ئەنجومەنی نوێنەران بەردەوام دەبم”.
ئاماژەی بەوەشکرد، “بڕیارەکەم بەمەبەستی دوورکەوتنەوەیە لەو تۆمەت و قسەڵۆکە ناڕاستانەی لەبارەمەوە کراون، هەرچەندە لەلایەن دادگاوە دروستی کاندیدبوونەکەم بۆ پۆستی سەرۆکی ئەنجومەنی نوێنەران سەلمێنرا”.
داوایشیکرد، پەلە بکرێت لە هەڵبژاردنی سەرۆکێکی نوێ بۆ ئەنجومەنەکە.
