قوباد تاڵەبانی جێگری سەرۆك وەزیران پێشوازیكرد لە كاسی بونكا باڵیۆزی كەنەدا لە عێراق و لە كۆبوونەوەی نێوانیاندا چەند پرسێكی جێی بایەخی هەردوولا گفتوگۆیان لەبارەیەوە كرا.
لە كۆبوونەوەكەدا كە رۆژی 1ی نۆڤەمبەری 2023 لە هەولێر بەڕێوەچوو، تامی ئەمێس بەڕێوەبەری ئۆفیسی باڵیۆزخانەی كەنەدا لە هەولێر ئامادەیبوو، بارودۆخی سیاسی و ئابوریی عێراق و چۆنییەتی چارەسەركردنی كێشەكانی نێوان هەرێم و بەغداد تاوتوێكران و هەردوولاش هیوایان خواست هەڵبژاردنەكانی ئەنجومەنی پارێزگاكانی عێراق بە شێوەیەكی پاك و بێگەرد و دادپەروەرانە بەڕێوەبچێت.
سەبارەت بە هەڵبژاردنەكانی داهاتووی پەرلەمانی كوردستانیش، هەردوولا جەختیان كردەوە لە بەڕێوەچوونی هەڵبژاردنەكان لەو وادەیەی لەلایەن سەرۆكایەتیی هەرێمەوە دیاریكراوە.
