وەزارەتی تەندروستیی هەرێم بڵاویکردەوە، سبەینێی 16ی4 دەست بە هەڵمەتێکی کوتان دەکرێت لە دژی نەخۆشی سوورێژە.
وەزارەتی تەندروستیی هەرێم ئاماژەی بەوەشکردووە، هەڵمەتەکە بۆ ماوەی 10 رۆژ بەردەوام دەبێت و لە خوێندنگەکان ئەنجام دەدرێت.
لە راگەیەندراوی وەزارەتەکەدا ئەوەش خراوەتەڕوو، هەڵبژاردنی خوێندکاران و خوێندگەکان بۆ هەڵمەتی كوتان بۆ ئەوەیە كە شوێنێكی قەرەباڵغ و داخراوە و بۆی هەیە رێژەیەكی زۆر لە خوێندکاران تووشی ئەم نەخۆشیە درمیە ببن.
ئەمەش لە کاتێکدایە، دوێنێ یەکشەممە، ساڵح حوسناوی، وەزیری تەندروستیی عێراق رایگەیاند، هەڵمەتێکی کوتان دەستپێدەکەن و حەوت ملیۆن خوێندکار لێی سوودمەند دەبن لە سەرانسەری عێراق و لە رێگەی نۆ هەزار تیمەوە بەئەنجامدەگات و سەردانی 23 هەزار خوێندنگە دەکرێت لە هەرێمی کوردستانەوە هەتا بەسڕە.
