چاکسازیی گەورانی هەولێر لە روونکردنەوەیەکدا بڵاویکردەوە، ئەو سزادراوەی گیانیلەدەستدا نەخۆشی درێژخایەنی هەبووە و باشترین خزمەتگوزاریی تەندروستیی پێشکەشکراوە.
لە روونکردنەوەکەی چاکسازیی گەورانی هەولێردا هاتووە، سزادراو (ا، ح، ح)، نەخۆشی شەکرەی هەبوو، لە رێگای تیمەکانمانەوە هەفتانە دووجار رەوانەی نەخۆشخانە دەکرا و غەسلی گورچیلەی بۆ ئەنجامدەدرا و هەموو خزمەتگوزاریەکی تەندروستیی پێشکەش کراوە بە باشترین شێواز، ژیان و مردنیش لە دەست خودایە.
ئاشکراشیکرد، بنەماڵە و کەسوکاری ناوبراو سەردانی ئێمەیان کردووە و زۆر سوپاسگوزار بوون لە بەرامبەر ئەو خزمەتەی کە پێشکەشی کراوە لە بەڕێوەبەرایەتییەکەمان، سەرلەبەری ئەو هەواڵانەی بەناوی بنەماڵەی کۆچکردوو بڵاوکراوەتەوە دوورە لە راستییەوە.
ناوبراو 22 ساڵە لە چاکسازییە و بە ماددەکانی406 و 169 سزادرابوو.
