هاتوچۆ لە دەروازەی فیشخابور لە نێوان هەرێمی كوردستان و رۆژئاوای كوردستان دەستپێدەكاتەوە.
بەپێی وتەی سەرچاوەیەكی ئیداری لە دەروازەی سنووریی فیشخابوور (سیمێلكا)، هاتوچۆ لەڕێی پردی دەروازەكەوە لەنێوان هەرێمی كوردستان و رۆژئاوای كوردستان لە سبەینێ یەكشەممەوە دەستپێدەكاتەوە، پاش كۆتاییهاتنی كارەكانی نۆژەنكردنەوەی.
ئەوەشی وت، گەشتیاران دەتوانن لە سبەینێوە دەروازەكە بەكاربهێننەوە، لەجیاتی دەروازەی وەلید كە لە ماوەی رابردوودا و پاش نقومبوونی پردی فیشخابور بۆ هاتوچۆی سنوور بەكاردەهێنرا.
پردی دەروازەكە لە 20ی ئازاری رابردوو بەهۆی زۆریی بارانبارین و روودانی لافاوەوە زیانی بەركەوت.
