ئاسایشی هەولێر لەبارەی شەڕەکەی گوندی شەوەک-ەوە راگەیەندراوێکی بڵاوکردەوە.
بەڕێوەبەرایەتیی ئاسایشی هەولێر، لە راگەیەندراوێکدا بڵاویکردەوە، دوای ئەوەی لە گوندی شەوەکی سەر بە ناحیەی مەلائۆمەر کێشەی کۆمەڵایەتی لە نێوان دوو خانەوادە دروستبوو، بووە هۆی تەقەیەکی زۆر و دروستکردنی پشێویی لە ناوچەکە، لەلایەن هێزەکانیان بە سەرپەرشتیی راستەوخۆی بەڕێوەبەری ئاسایشی هەولێر و هێزەکانی پۆلیسی هەولێر بە سەرپەرشتیی راستەوخۆی بەڕێوەبەری پۆلیس، سەرجەم هێزەکان لە شوێنی رووداوەکە ئامادەبوون.
هەر لە راگەیەندراوەکەدا هاتووە، لە ئێستادا بارودۆخەکە لەلایەن هێزەکانمانەوە کۆنترۆڵکراوە و سەرجەم تۆمەتباران دەستگیردەکرێن و دەدرێنە دادگا.
