بەپێی پێشبینییەكانی كەشناسی ئەمڕۆ ئەگەری بارانبارین لە ناوچە جیاجیاكانی هەرێم هەیە، سبەینێش ئاسمان لەنێوان پەڵەهەور و نیمچە هەوردا دەبێت.
بەڕێوەبەرایەتیی گشتیی كەشناسی و بومەلەرزەزانیی هەرێم رایگەیاند، ئەمڕۆ ئاسمان نیمچە هەور دەبێت و هەندێ کات دەگۆڕێت بۆ هەورى تەواو، لەگەڵ بارینی باران بە شێوەى پچڕ پچڕ لە کاتەکانى دواى نیوەرۆ لە زۆربەی ناوچەکان.
دەشڵێت، لە هەندێک کاتدا ئەگەرى بارانی بە لێزمە و هەورە تریشقە دەبێت بە تایبەتى لە ناوچە شاخاوییەکاندا.
سەبارەت بە كەشوهەوای سبەینێش بەپێی پێشبینییەكان ئاسمان لە نێوان پەڵە هەور و نیمچە هەوردا دەبێت و پلەی گەرمی، بە نزیکەیی (1 تا 2 پلە) بەرزتر دەبێت بە بەراورد بە تۆمارکراوەکانی ئەمڕۆ.
