وەزارەتی تەندروستیی هەرێمی كوردستان ڕایدەگەیەنێت، بڕیاردراوە بە هاوبەشيی لەگەڵ وەزارەتی كاروكاروباری كۆمەڵایەتیی لیژنەكانی پشكنینی خاوەن پێداویستییە تایبەتەكان دەستبەكارببنەوە.
وەزارەتی تەندروستیی هەرێمی كوردستان ئەمڕۆ شەممە بڵاویكردووەتەوە، لەگەڵ وەزارەتی كاروكاروباری كۆمەڵایەتیی هەرێم بڕیاریانداوە بە هاوبەشيی لیژنەكانی پشكنین بۆ خاوەن پێداویستییە تایبەتەكان دەستپێبكەنەوە .
لە ڕاگەیەندراوەكە هاتووە، هەردوولا ڕێككەوتوون بە مەبەستی دانانی میكانیزمێكی گونجاو بۆ پشكنین و دانانی رێژەی پەككەوتن بۆ خاوەن پێداویستییە تایبەتەكان كە ماوەی چەند ساڵێكە كاری لیژنەكانی پشكنینی خاوەن پێداویستییە تایبەتەكان ڕاگیرابوون.
