گەشتوگوزاری دوكان: ئامادەكاری بۆ پێشوازی لە گەشتیاران كراوە

بەڕێوەبەری گەشتوگوزاری دوكان پێشبینی دەكات لە رۆژانی جەژندا زیاتر لە 100 هەزار گەشتیار روو لە سنوورەكەیان بكات و، نرخی كەپر و كابینە گەشتیارییەكانیش ئاشكرادەكات.

رێژین رەئوف، بەڕێوەبەری گەشتوگوزاری دوكان بە تۆڕی میدیایی ئێستای راگەیاند، ئامادەكاریی پێویستیان كردووە بۆ پێشوازیكردن لە گەشتیاران لە رۆژانی جەژن و رۆژانی دواتردا.

وتیشی، “بە لەبەرچاوگرتنی جەژنی رەمەزانی ساڵی رابردوو پێشبینی دەكەین زیاتر لە 100 هەزار گەشتیار روو لە سنوورەكەمان بكات”.

رێژین رەئوف باسی لەوەشكرد، هەریەك لە تیمەكانی بەرگریی شارستانی و مەلەوانی لە سەیرانگاكان دەبن بۆ بەهاناوەچوونی هەر دۆخێكی نەخوازراو.

دەربارەی نرخی كەپر و كابینەكانیش بەڕێوەبەری گەشتوگوزاری دوكان ئاشكرایكرد، كرێی مانەوەی كەپرەكان لەنێوان 25 بۆ 60 هەزار دیناردا دەبێت و، كرێی كابینەكانیش لەنێوان 100 بۆ 400 هەزار دیناردا دەبێت.

بابەتی پێشتر

مەسك وادەی نیشتەجێبوونی مرۆڤ لەسەر مانگ و مەریخ دیاریدەكات

بابەتی دواتر

بەڕێوەبەری گەشتوگوزاری چۆمان: شەو مانەوە لە گۆمی فێڵاو لە جەژندا قەدەغەدەکرێت

بابەتی پەیوەندیدار
زیاتر ببینە
چوار كەس بە تۆمەتی مامەڵەكردن بە حەپی قەدەغەوە لەلایەن ئاسایشی گەرمیانەوە دەستگیركرا، كە بە نیازبوون لە مەرزی پەروێزخان…
Total
0
Share