سەرۆكی یەكێتی رایدەگەیەنێت، مامۆستا ئیبراهیم ئەحمەد نەخشەداڕێژەری بیری نەتەوەیی و كوردایەتی بوو و دەشڵێت، بەشوێنپێكەیدا هەنگاو دەنێین و هەوڵەكانمان لەپێناو خزمەتی خاكی و خەڵكی كوردستاندا دەبێت.
بافڵ جەلال تاڵەبانی، سەرۆکی یەکێتیی نیشتمانیی کوردستان لە پەیامێكدا رایگەیاند، یاد و یادەوەرییەكانی مامۆستا ئیبراهیم ئەحمەد رۆژانە لەگەڵمان دەژی و وانەكانی رۆشنبیری و نیشتمانپەروەریی لێوە فێردەبین.
بافڵ جەلال تاڵەبانی ئەوەش دەڵێت، ئەو چرایەك بوو بۆ رووناكیی كوردستان و نەخشەداڕێژەری بیری نەتەوەیی و كوردایەتی بوو.
بافڵ جەلال تاڵەبانی دووپاتیشیدەكاتەوە، “خزمەت و خەباتی مامۆستا ئیبراهیم ئەحمەد لەیادناكەین و بەشوێنپێكەیدا هەنگاو دەنێین، هەوڵەكانمان تەنیا لەپێناو خزمەتی خاكی كوردستان و خەڵكەكەیدا دەبێت و بۆ داهاتوویەكی پرشنگدارتر خەبات دەكەین. ئەمەش رێگە پیرۆزەكەی مامۆستای گەورەمانە و بێگومان رۆحی ئاسوودە و ئارام دەكەین”.
پەیامەكە هاوكاتە لەگەڵ ساڵیادی كۆچی دوایی مامۆستا ئیبراهیم ئەحمەد-ی رۆشنبیر و نیشتیمانپەروەری ناسراوی كورد.
