نرخی نەوت بەردەوامە لە بەرزبوونەوە و ئەمڕۆ ئاستێكی باڵاتری تۆماركرد لە سایەی ناكۆكییە جیۆسیاسییەكان لە ئەوروپا و رۆژهەڵاتی ناوەڕاست و ترس لەبارەی كەمبوونەوەی ناردن و گەشبینی لەبارەی زیادبوونی خواستی جیهانی لەسەر سووتەمەنی.
ئەمڕۆ خاوی برێنت 49 سەنت یان بەڕێژەی 0.5% بەرزبووەوە و گەیشتە 91.14 دۆلار بۆ هەر بەرمیلێك، هەروەك خاوی رۆژئاوای تەكساس 37 سەنت یاخود 0.4% بەرزبووەوە و گەیشتە 86.96 دۆلار بۆ هەر بەرمیلێك.
هەردوو جۆرەكەی نەوتی خاو ئێوارەی دوێنێ نرخێكی پێوانەییان تۆماركرد كە بەرزترین بوو لە تشرینی یەكەمی رابردووەوە.
