قائیمقامیەتی دەربەندیخان رایگەیاند، ”بڕی زیاتر لە 700 کیلۆگرام كاڵا و شمه‌ك و خواردن و خواردنەوە له‌ناوبران”.
لە راگەیەندراوێکدا قائیمقامیەتی دەربەندیخان ئاماژە بەوە دەکات، ”له ئه‌نجامی سه‌ردانی شوێنه‌كان و پشكنینه به‌رده‌وامه‌كانی لیژنه هاوبەشەکانمان، لە ماوەی تەنها یەک هەفتەی مانگی رەمەزاندا توانرا دەست بەسەر زیاتر لە 700 کیلۆگرام لە كاڵا و شمه‌ك و خوارده‌مه‌نی كه شیاوی خواردن و به‌كارهێنان نه‌بوون بگیرێت”.
دەشڵێت، ”لەسەر فه‌رمانی قائیمقامی دەربەندیخان له ناوچه‌ی ده‌ره‌وه‌ی نیشته‌جێبوون و له‌لایه‌ن لیژنه‌كه‌وه سەرجەمی ئەو خواردن و خواردنەوە و کاڵا و شمەکانە بەشێوەیەکی زانستی له‌ناوبران”.
