سەرۆك بافڵ پیرۆزبایی بەستنی هەشتەمین كۆنگرە و هەڵبژاردنەوەی محەمەد حاجی مەحمود وەك سەرۆكی پارتی سۆسیال دیموكراتی كوردستان دەكات و رایدەگەیەنێت،” هیوادارم راسپاردەكانی كۆنگرە و بڕیارەكانتان لە خزمەت گەشەپێدانی كوردستان و دەستەبەركردنی ژیانی شایستە بۆ هاونیشتمانییان و حوكمڕانییەكی تەندروستدا بێت”.
دەقی پەیامی سەرۆك بافڵ…
بەڕێز محەمەد حاجی مەحمود، سەرۆكی پارتی سۆسیال دیموكراتی كوردستان
بەبۆنەی هەڵبژاردنەوەی بەڕێزتان وەك سەرۆكی پارتی سۆسیال دیموكراتی كوردستان و بەستنی هەشتەمین كۆنگرەی پارتە شۆڕشگێرەكەتانەوە، پیرۆزباییەكی گەرمتان لێدەكەم و هیوادارم راسپاردەكانی كۆنگرە و بڕیارەكانتان لەخزمەت گەشەپێدانی كوردستان، دەستەبەركردنی ژیانی شایستە بۆ هاونیشتمانییان و حوكمڕانییەكی تەندروستدا بێت.
لەم دەرفەتەدا جەخت لە پتەوكردن و پەرەپێدانی پەیوەندییەكانی نێوان یەكێتیی نیشتمانیی كوردستان و پارتی سۆسیال دیموكرات دەكەمەوە لەپێناو هاریكاری و هەماهەنگیی زیاتر بۆ بەدیهێنانی مافەكانی گەلەكەمان.
شاد و سەرفرازبن
بافڵ جەلال تاڵەبانی
سەرۆكی یەكێتیی نیشتمانیی كوردستان
