سەرپەرشتیاری كەركوك ــ سەڵاحەدینی یەكێتیی نیشتمانیی كوردستان رایدەگەیەنێت، لە ماوەی كەمتر لە مانگێك ئیدارەی نوێی كەركوك پێكدەهێندرێت و دەشڵێت، “یەكێتی خۆی بۆ هەڵبژاردن ئامادەكردووە سەرۆكایەتیی هەرێمیش وادەكەی دیاریكردووە و بەشداریی هەڵبژاردن دەكەین”.
ئاسۆ مامەند سەرپەرشتیاری كەركوك ــ سەڵاحەدینی یەكێتیی نیشتمانیی كوردستان لە لێدوانێكدا بە تۆڕی میدیایی ئێستای راگەیاند، لە ماوەی كەمتر لە مانگێكدا ئیدارەی نوێی كەركوك پێكدەهێندرێت و خزمەتی هاوڵاتییانی شارەكە بەبێ جیاوازی دەكرێت.
لەبارەی هەڵبژاردنی پەرلەمانی كوردستانیش، ئاسۆ مامەند وتیشی، ” سیاسەت و هەنگاوی یەكێتی بەرەو پێشچووە و كاندیدمان پێشكەشكردووە و لەگەڵ هەڵبژاردنین و سەرۆكایەتیی هەرێم وادەكەی دیاریكردووە و ئامادەین بۆ هەڵبژاردن”.
