سەرۆكی كۆمەڵەی كێڵگە پەلەوەرییەكان رایدەگەیەنێت، بۆ جەژنی رەمەزان نرخی مریشك بەرزنابێتەوە و دەشڵێت، “شەوی رابردوو یەك كیلۆ مریشك بە دوو هەزار و 900 دینار بۆ سێ هەزار و 100 دینار لە كێڵگە پەلەوەرییەكان فرۆشراوە.
نازم عەبدوڵا سەرۆكی كۆمەڵەی كێڵگە پەلەوەرییەكان لە لێدوانێكدا بە تۆڕی میدیایی ئێستای راگەیاند، لە دوو هەفتەی رابردوودا یەك كیلۆ مریشك نرخەكەی گەیشتە 3 هەزار و 500 دینار و ئەو كات رامانگەیاند كە نرخەكەی كاتییە و دابەزین بەخۆوە دەبینێت و لە ئێستادا نرخەی دابەزینی بەخۆوە بینیوە.
وتیشی، ” بەهیچ شێوەیەك بۆ جەژنی رەمەزان نرخی مریشك بەرزنابێتەوە و شەوی رابردوو یەك كیلۆ مریشك بە دوو هەزار و 900 دینار بۆ سێ هەزار و 100 دینار لە كێڵگە پەلەوەرییەكان فرۆشراوە و لە دوكانەکان بە نرخێكی زیاتر دەفرۆشرێت”.
