لەسەر رێگای هەولێر – کۆیە نزیک گوندی پیرەر، رووداوێکی هاتوچۆ لە نێوان سێ ئۆتۆمبێلدا روویدا و بەهۆیەوە دوو شۆفێر بە سەختی برینداربوون.
بەڕێوەبەرایەتیی هاتوچۆی کۆیە لە راگەیەندراوێکدا بڵاویکردەوە، لەسەر رێگای هەولێر – کۆیە نزیک گوندی پیرەر، رووداوێکی سەختی هاتوچۆ لە نێوان سێ ئۆتۆمبێلدا روویدا .
لە راگەیەندراوەکەدا هاتووە، هۆکاری سەرەکیی رووداوەکە ئۆتۆمبێلی کیا دوو تەنییەکە بووە و بەهۆی خێرایی زۆرەوە کۆنترۆڵی ئۆتۆمبێلەکەی لە دەستداوە و خۆی کێشاوە بە ئۆتۆمبێلە بارهەڵگرەکەدا، ئۆتۆمبێلی کیا دوو تەنییەکەش بەهۆی توندی خۆپیاکێشانەکە بووە بە دوو پارچەوە.
باس لەوەش دەکات، بە هۆکاری رووداوەکەوە شوفێری هەردوو کیا دوو تەنییەکە برینداربوون.
