بەرزبوونەوەی زێڕ ژمارەی پێوانەیی تۆمارکرد، دوای ئەوەی هەر ئۆنسەیەکی کانزاکە، نرخەکەی گەیشتە 2261 دۆلار و داتاکان دەریانخستووە، هەڵئاواسان لە ئەمریکا لە مانگی شوبات مامناوەند بووە و چاوەڕوان دەکرێت بانکی ناوەندیی ئەمریکا رێژەی سوود کەمبکاتەوە.
بەپێی CME، بازرگانان پێشبینی دەکەن، بە رێژەی 69%، بانکی فیدراڵیی ئەمریکا لە مانگی حوزەیران رێژەی سوود کەمبکاتەوە و ئەوەش کاریگەری هەبووە لەسەر بەرزبوونەوەی نرخی کانزاکە.
هەر کیلۆگرامێک زێڕ لە بازاڕەکانی جیهان نرخەکەی بۆ 72 هەزار و 736 دۆلار بەرزبووەتەوە و ئەوەش ژمارەیەکی پێوانەییە و هەر گرامێکی کانزاکەش گەیشتووەتە 72 دۆلار و 74 سەنت.
لە بازاڕە ناوخۆییەکانی هەرێمی کوردستان بە گوێرەی نرخی ئێستای بازاڕە جیهانییەکان و شکاندنەوەی بە دۆلاری ئەمڕۆ بەبێ حەقدەست، بەم جۆرەیە:
زێڕی عەیار 21 به 470 هەزار دینارە
زێڕی عەیار 18 به 405 هەزار دینارە
زێڕی عەیار 24 به 535 هەزار دینارە
