درەنگانی شەوی رابردوو لە قەزای شێخانی سەر بە پارێزگای دهۆک، دوای دروستبوونی کێشەی کۆمەڵایەتی لە نێوان دوو بنەماڵەدا، شەڕە تەقە و رووبەڕووبوونەوەی دروستدەبێت و بەهۆیەوە کەسێک دەکوژرێت و دوو کەسی دیکە بریندار دەکرێن.
بە گوێرەی زانیارییەکان، ئەو کەسەی کوژراوە ناوەی عەونی سمکۆ زێدک-ە کەسایەتییەکی دیاری ناوچە شێخانە و بەگوێرەی هەندێک زانیاری سەرۆک عەشرەتی هۆزی زێدک بووە.
دوو کەسەکەی دیکەش، کە واباس دەکرێت یەکێکیان برای کوژراوەکە و ئەوەی دیکە کوڕی بێت، دوای برینداربوونیان گەیەندراونەتە نەخۆشخانە، بەڵام تا ئێستا بەشێوەیەکی فەرمی هیچ لایەنێکی ئەمنی روونکردنەوەی لەبارەی رووداوەکەوە نەداوە.
