پاش ئەوەی كارمەندێكی كارەبای سلێمانی لەكاتی كاركردندا تەزووی كارەبا لێی دەدات و بریندار دەبێت، قۆڵێکی دەبڕدرێتەوە.
بەڕێوبەرایەتیی كارەبای سلێمانی ڕایگەیاند، “ڕۆژی هەینی ڕابردوو کارمەندێکی هۆبەی چاکسازیی کارەبای سەیوان، بەهۆی بەرکەوتنی بە تەزووی کارەبا لەکاتی ڕاپەڕاندنی کارەكەیدا بریندار بوو”.
کاروان مەعروف لێپرسراوی هۆبەی چاکسازیی سەیوان ڕایگەیاندووە، “كارمەندەکەمان ناوی عومەری مەلا حەسەنە، بە ناونیشانی بەڕێوبەری تەکنیکی پێشکەوتوو، هەینی ڕابردوو تەزووی کارەبا لێیداوە بەداخەوە ئەمڕۆ دووشەممە 21ی كانونی یەكەم، بەهۆی سەختی برینەکەیەوە دەستی ڕاستی لەدەستدا”.
بەڕێوبەرایەتیی كارەبای سلێمانی ئەوەشی خستوەتەڕوو، “ئەو کارمەندە برایەکیشی بە بەرکەوتنی تەزووی کارەبا گیانی لەدەستداوە”.
