بەپێی پێشبینییەكان ئەمڕۆ و سبەی پلەكانی گەرما بەرزدەبنەوە و ئەگەری بارانبارینیش لەئارادا نییە.
بەڕێوەبەرایەتیی گشتیی كەشناسی و بومەلەرزەزانیی هەرێم رایگەیاند، ئەمڕۆ ئاسمان ساماڵ و پەڵە هەور دەبێت هەندێ کات دەگۆڕێت بۆ نیمچە هەور.
دەشڵێت، پلەكانی گەرماش بەرزدەبنەوە بە (1-2) پلە، بەراورد بە تۆماركراوەكانی دوێنێ.
دەربارەی كەشوهەوای سبەینێش بەپێی پێشبینییەكان، ئاسمان پەڵە هەور و نیمچە هەور دەبێت و، پلەكانی گەرما بە نزیكەی (2-3) پلە بەرزدەبنەوە بەراورد بە تۆماركراوەكانی ئەمڕۆ.
بەرزترین پلەکانی گەرمای پێشبینیکراوی شارەكانیش بە پلەی سیلیزی بەمجۆرە دەبن، (هەولێر 22، سلێمانی 21، دهۆک 21، زاخۆ 22، هەڵەبجە 22، کەرکوک 24، سۆران 19، حاجی ئۆمەران 12 و گەرمیان 25 پلە).
