دادگای میسر بڕیاری راگرتنی پەخشی ریکلامێکی بازرگانیی لە کەناڵەکانی راگەیاندنی وڵاتەکە دەرکرد، بەهۆی ئەوەی گۆرانییەکی عەبدولحەلیم حافز بەبێ مۆڵەت تیایدا بەکارهاتووە.
بڕیارەکە لە دادگای ئابووری دەرچووە و تیایادا ئاماژەی بەوەکردووە، بڕیاری راگرتنی ریکلامە بازرگانییەکە بەهۆی ئەوەی پەسەندکراوە، گۆرانییەکی هونەرمەندی کۆچکردووی بۆ بەرژەوەندی خۆی بەکارهێناوە.
خانەوادەی هونەرمەندی کۆچکردوو بڕیاریاندا سکاڵای لای دادگا تۆماربکەن لە دوای ئەوەی ریکلامە بازرگانییەکە دەنگدانەوەی زۆری بەدوایخۆیدا هێنا کە بۆ یەکێک لە کۆمپانیاکانی بواری گەشتوگوزار ئەنجامدراوە و گۆرانی ‘دقوا الشماسي’ تێدا وتراوەتەوە.
ئەو کۆمپانیایە کە خاوەنی بەرهەمەکەیە، هونەرمەند مەلاک حوسێنی هەڵبژارد بۆ ئەوەی لە ریکلامەکەدا گۆرانی بڵێت و گۆرانییەکەش ‘دقوا الشماسي’ بوو.
