ئەنجومەنی ئاسایشی نێودەوڵەتی پرۆژە یاسایەکی بۆ راگرتنی ئاگربەست لە مانگی رەمەزان و دواتریش بە شێوەیەکی درێژخایەن لە کەرتی غەززە پەسەندکرد.
پرۆژەی ئاگربەستەکە لەلایەن هەریەکە لە وڵاتانی جەزائیر، ئیکوادۆر، ژاپۆن، ماڵتا، مۆزەمبیق، کۆریای باشوور و سویسرا و چەند ئەندامێکی دیکەی کاتی ئەنجومەنەکە ئامادەکرابوو، دواتریش لە ئەنجومەنەکە 14 وڵات دەنگیانپێدا و ئەمریکا دەنگی نەدا.
ئەم بڕیارە لەدوای 171 رۆژ شەڕی بەردەوام هات کە بەهۆیەوە زیاتر لە 32 هەزار فەلەستینی کوژراون.
