چین سەرکەوتنی لە چاندنی جگەری بەراز بۆ مرۆڤ راگەیاند کە بۆ نەخۆشێک ئەنجامدرا کە مێشکی مردبوو.
میدیاکانی چین بڵاویانکردەوە، ئەو نەشتەرگەرییەی ئەنجامدراوە پێکهاتووە لە تێکەڵکردنی جگەری نەخۆشەکە بە جگەری بەرازەکە، ئەمەش بەهۆی ئەوەی جگەری بەراز بە شێوەیەکی تەواوەتی ناتوانێت شوێنی جگەری مرۆڤ بگرێتەوە.
بە وتەی زانایانی چین تا 96 کاتژمێر دوای نەشتەرگەرییە چاودێری نەخۆشەکە کراوە هیچ ئاماژەیەکی رەتکردنەوەی نەبووە، ئەمەش نیشانەی سەرکەوتنی نەشتەرگەرییەکەیە.
لە ئێستادا 400 ملیۆن هاوڵاتیی چینی تووشی نەخۆشی جگەر دەبن، سەرکەوتنی ئەم نەشتەرگەرییە ئاماژەیەکی دڵخۆشکەرە بۆ چارەسەرکردنی بەشێک لەو نەخۆشانە.
