ئەمشەو لە سنووری پارێزگای هەڵەبجە دەستبەسەر بڕێک جگەری خراپبوودا گیرا کە لەناو سندوقێکی ئۆتۆمبێلدا شاردرابوونەوە.
قائیمقامیەتی هەڵەبجە بڵاویکردەوە، ئەمشەو لیژنەکەمان ئاگادارکرایەوە لەلایەن بازگەی زەمەی لە هەبوونی بڕێک جگەر لە تەکسیەکدا، پاش سەردانیکردنی مەیدانیمان بۆ بازگەکە پشکنین کرا بۆ جگەرەکە دەرکەوت شیاوی خواردن نییە.
ئاماژەی بەوەشکرد، جگەرەکە کە 40 پارچە بوو دەستیبەسەرداگیرا و لەناوبران، خاوەنەکەشی رووبەڕووی رێکاری یاسایی دەکرێتەوە.
